MASMUR 21:1 - BIBEL JAMITA NA DENGGAN

¹ O Tuhan, hara ni kuasoMu, marjop ni roha ma raja, marolop-olop ia, dibaen dilehen Ho hamonangan disia!

MASMUR 21:1 ပူးပေါင်းရင်းမြစ်များ

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 20:9

Ale Tuhan, lehen ma hamonangan tu raja, alusi ma hami muda martangiang.

MASMUR 28:7

Diondihon jana diampini Tuhan do iba, tuSia ma au marpos ni roha. Diurupi jana dipagodang Ia do rohangku, marmoga-moga hupuji ma Ia mardongan ende puji-pujian.

MASMUR 62:7

Ia do Debata na mangalehen haluaan dohot hasangapan di au. Debata do pangondianku dohot na gogo mambela au.

MASMUR 63:11

Marjop ni roha ma raja i dibaen dilehen Debata disia hamonangan. Pujion ni halak na marsumpa mangasahon Debata ma ia, tapi anggo pargabus huntamon do pamanganna.

MASMUR 71:17

Diajari Ho do au ale Debata, mamungka sian haposoonku, lopus sadarion hupajojor do pambaenanMu na pahomang roha.

MASMUR 95:1

Beta marende hita di Tuhan, marsurak-surak di pangondinginta!

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.