MASMUR 2:7 - BIBEL JAMITA NA DENGGAN

⁷ Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

MASMUR 2:7 ပူးပေါင်းရင်းမြစ်များ

2 SAMUEL 7:14

Gabe Amangnia ma Au, jana gabe anakKu ma ia. Muda marsala ia, uhumonKu ma ia songon sada ama na manguhum anakna.

JOB 23:13

Nada muba-uba anggo Debata; nada adong tarbaen mangalo Ia. Dipatulus Ia do sanga aha giot ni rohaNia.

MASMUR 148:6

Ditontuhon Ia ingananna be ro di salolot ni lolotna, hot do hatontuan i dioloi halahi sude.

MASMUR 89:27

Hubaen ia gabe anakKu siangkaan, sian sandok raja, ia ma na gumodang.

JESAYA 46:10

Sian mulana madung Hupajojor, sian najolo Hubaen alatan tu na giot ro. Hudok do, “Nada tarambati anggo sangkapKu, pasti tulus hagiotKu.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

BAENON NI ANGKA RASUL 13:33

madung dipatulus Ia i sude tu hita markite-hite na nipangoluNia Jesus mangulahi sian hamatean. Angke tarsurat do di Masmur paduahon songon on, ‘AnakKu do Ho, sadari on ma Au gabe AmangMu.’

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

IBRANI 5:5

Laing songon i do Kristus. Nada na nipasangapNia diriNa sandiri markite na gabe Malim Godang, tapi na nipasangap ni na mandok tuSia: “AnakKu do Ho! Sadari on ma Au gabe AmangMu.”

IBRANI 5:8

Haru pe Anak Ia, laing na nipabangkit ni Debata do Ia.