MASMUR 2:10 - BIBEL JAMITA NA DENGGAN

¹⁰ Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

MASMUR 2:10 ပူးပေါင်းရင်းမြစ်များ

MASMUR 45:12

Maroban silua somba-somba do halak Tirus mambuat roha do tu ho halak paradongan.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JESAYA 60:3

Marroan ma angka bangso tu hatiuranmu, tartarik ma angka raja hara ni habibincarmu na imbaru.

JEREMIA 6:8

O hamu halak Jerusalem gabe pangajaran ma nian tu hamu sude hasusaan i! Ulang jabat Hutadingkon hamu jana kotamunu i nada diingani halak.”

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

ZAKARIA 14:17

Muda adong bangso na so ra kehe tu Jerusalem laho marsomba tu Raja, Tuhan Na Markuaso i, gabe nada ro be udan di luat ni halahi.