MASMUR 2:1 - BIBEL JAMITA NA DENGGAN

¹ Biasi sai mangalo angka bangso, jana mambaen angka sangkap na so marguna angka rayat?

MASMUR 2:1 ပူးပေါင်းရင်းမြစ်များ

MASMUR 18:42

Hududa halahi songon lamot ni abu na marhabangan, hudege-dege halahi songon bustak di dalan.

MASMUR 21:11

Dibaen halahi tahi mangalo raja, tapi sangkap ni halahi na jahat i nada marguna.

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 57:9

Ale Tuhan, giot mandok tarimakasi ma au tu Ho di tonga-tonga ni angka bangso. Giot pujionku ma Ho di tonga-tonga ni jolma manusia.

MASMUR 74:23

Ulang ma halupahon parsurak-surak ni angka musuMu, hagaoran ni angka aloMu na mur manjebu!

MASMUR 83:3

Dibaen halahi do sangkap na mangakali mangalo bangsoMu, marlagut halahi laho mangalo bangso na niondinganMu.

JESAYA 8:9

Marlagut ma hamu mardongan biar, hamu ale angka bangso! Tangihon ma ale ujung ni portibi on. Marbobat jana mabiar ma, marbobat jana mabiar ma!

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

LUKAS 18:32

Pasahaton ma Ia tu angka halak na so mananda Debata, jana incahan ni halahi ma Ia, pabileonna jana tijurkononna.

LUKAS 22:5

I noma jop ni roha ni halahi jana marjanji ma halahi laho mangalehen hepeng tusia.

BAENON NI ANGKA RASUL 16:22

Halak na bahat pe dohot ma mangaroro rasul na dua i; songon i panjabat ni pamarenta i pe, disibak halahi ma pakean ni si Paulus dohot si Silas jana disuru halahi ma halak mangaloncing halahi na dua.

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”