MASMUR 19:8 - BIBEL JAMITA NA DENGGAN

⁸ Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

MASMUR 19:8 ပူးပေါင်းရင်းမြစ်များ

PAMUNGKAAN 26:5

PasupasuonKu ma ho, hara ni na nioloan ni si Abraham Au jana ditiop ia togu uhum dohot haputusanKu.”

2 RAJA-RAJA 17:37

Burju ma oloi hamu tongtong angka uhum dohot angka parenta na dung Husuratkon di hamu. Ulang marsomba hamu tu angka debata sileban,

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

MASMUR 105:45

anso oloan ni halahi angka uhumNia jana ihutkononna parentaNia. Puji ma Tuhan!

MASMUR 111:7

Tigor jana bonar do Tuhan di sasude na nibaenNia, tarpangasahon do sude parentaNia.

MASMUR 119:105

HataMi do sulu-sulu di langkangku, jana sinondang na manorangi dalanku.

MASMUR 119:12

Hupuji do Ho, ale Tuhan, ajarkon ma tu au angka hatontuanMu.

MASMUR 119:121

Madung hubaen na denggan dohot na tigor, ulang ma pasahat au tu tangan ni alongku.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 119:14

Marjop ni roha do au hara ni angka parentaMu, songon na maniop sinadongan na bahat.

MASMUR 119:143

Sai marsak situtu do au jana humasusa, tapi hatontuan na nibaenMu do pajop rohaniba.

MASMUR 119:16

Gabe sonang do au dibaen hatontuanMu; nada huhalupahon pangajaranMu.

MASMUR 119:171

Sai giot pujionku do Ho tongtong, dibaen diajarkon Ho do tu au hatontuanMu.

MASMUR 119:24

Angka aturanMu do na gabe silehen sipaingot di au na pasonangkon rohangku.

MASMUR 119:40

Lehen ma di au ngolu na imbaru, angke na tigor do Ho, sai por do rohangku mangoloi haputusanMu.

MASMUR 119:54

Salolot di ngolungku na pendek on, di tano on logu pujian do hubaen hatontuanMu.

MASMUR 119:80

Sai ulang nian manyimbil rohangku sian hatontuanMu, anso ulang au marmalu-malu.

MASMUR 119:92

TonaMu do mual ni hamogaanku sugari nada songon i, ma pola mate au di hasusaanku.

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 13:3

Parate-atehon jana alusi au, ale Tuhan Debatangku. Pargogoi au jana ulang padiar mate au,

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

MASMUR 93:5

O Tuhan, hot do manongtong uhumMu, sai badia do sapanjangna BagasMu.

HARURUAR 18:16

Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

PODA 30:5

Digohi Debata do sude janjiNia. Songon parince do Ia di sude na ro marsiholip tuSia.

PODA 6:23

Angke songon palito do poda i; jana dalan hangoluan sipaingotna.

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

GALATIA 2:19

Tapi anggo taringot tu Tona, na mate do au – dimatehon Tona i sandiri – anso tarbaen mangolu au di Debata. Madung diparsilangkon au rap dohot Kristus.

GALATIA 3:21

Muda songon i, na maralo dehe Tona i tu janji ni Debata? Nada! Harana sugari sura tarbaen Tona i mangalehen hangoluan tu jolma, antong tarbaen do mangulahi mardenggan jolma dohot Debata hara ni Tona i.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.