MASMUR 18:9 - BIBEL JAMITA NA DENGGAN

⁹ Dibola Ia langit dung i mijur ma Ia, dohot ombun na golap di toru ni patNa.

MASMUR 18:9 ပူးပေါင်းရင်းမြစ်များ

2 SAMUEL 22:10

Mabola langit i dibaenSa lalu mijur Ia, marhite ombun di toru ni patNia.

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

MASMUR 68:4

Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

MASMUR 97:3

Mangararati api di joloNia, abis marmosokan, musu na humaliang Ia.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MARKUS 15:33

Dung tonga ari gabe golap ma sude luat i tolu jom honokna.

JOHANNES 13:7

Dialusi Jesus ma, “Anggo saonnari nada mangarti dope ho sanga aha na Hubaen, tapi botoonmu do i muse.”

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

IBRANI 12:26

Mangaronggur do ditano on soraNia hatiha i. Tapi saonnari madung marjanji Ia, “Mangaronggur dope baenonKu sanoli nari, nada hum tano on, tapi dohot do langit.”

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.