MASMUR 18:6 - BIBEL JAMITA NA DENGGAN

⁶ Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.

MASMUR 18:6 ပူးပေါင်းရင်းမြစ်များ

2 SAMUEL 22:7

Di na tarsosak au hupiohon Tuhan, marsurak au mangido tolongan. Tangi do Ia sian Bagas Ni Debata umbege na tangis au mangido urupanNa.

2 JUJUR TAON 30:27

Dipangido angka malim dohot halak Levi ma pasupasu ni Tuhan di rayat i, jana sian inganan parmianan ni Debata na di banua ginjang i, ditangihon Ia do tangiang ni halahi i jana dijagit Ia do pangidoan ni halahi i.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 55:5

Didondoni biar do au jana humitir, dirongomi pangkilalaan na manyikur.

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

HABAKUK 2:20

Di bagasan Bagasna na badia i do Tuhan; sai maringanan di jolonia ma nian jolma na satano on.

MARKUS 14:36

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

BAENON NI ANGKA RASUL 12:5

Jadi ditahan ma si Petrus di hurungan i; tapi anggo angka anggota ni parlagutan i, sai torus do halahi marsitutu manangiangkon si Petrus tu Tuhan.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.