MASMUR 18:43 - BIBEL JAMITA NA DENGGAN

⁴³ Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

MASMUR 18:43 ပူးပေါင်းရင်းမြစ်များ

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

MASMUR 108:9

Tapi anggo Moab inganan ni pamasuan ni patKu; marsurak hamonangan Au hara ni Pilistea; tu Edom Hudanggurkon sipatungKu, tanda ni Au nampunasa.”

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

SURAT NI SI PAULUS TU PARLAGUTAN ROM 15:18

Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

EPESUS 1:22

Ditaluhon Debata do sasudena tu toru ni kuaso ni Kristus, jana dibaen Ia do Kristus gabe ulu ni sasudena na adong di parlagutan ni Tuhan.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”