MASMUR 18:42 - BIBEL JAMITA NA DENGGAN

⁴² Hududa halahi songon lamot ni abu na marhabangan, hudege-dege halahi songon bustak di dalan.

MASMUR 18:42 ပူးပေါင်းရင်းမြစ်များ

2 RAJA-RAJA 13:7

Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.

JOB 27:9

Tangihonon ni Debata ma he tangis ni halahi di hamamasa ni hasusaan mandondoni?

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 41:2

Ise dehe na marsuru ia ro sian Habincaran i, na marsuru ia na mandapot hamonangan di sude langkana, na pataluhon angka bangso dohot raja-raja? Podangnia mambaen halahi songon abu, jana panania mambaen halahi songon durame na nipurpuran.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.