MASMUR 18:38 - BIBEL JAMITA NA DENGGAN

³⁸ Hutombomkon halahi lopus nada tolapsa jongjong, di jolo ni patku tinggang halahi.

MASMUR 18:38 ပူးပေါင်းရင်းမြစ်များ

2 SAMUEL 22:39

Hutombomkon halahi lopus nada lobassa jongjong be, di jolo ni patku tinggang halahi gale sude.

MASMUR 21:9

Dibaen Ho do halahi songon api na marjembur-jembur, dihatiha dipataridahon Ho diriMu, ale Tuhan. Abis ma halahi baenon ni muruk ni Tuhan, bope baenon ni api na mambaen marmosokan.

MASMUR 36:12

Ligi ma sanga di dia madabu halak na jahat, disi ma halahi julung, nada tarbaensa jongjong mulak.

MASMUR 47:3

Ia do mangalehen hamonanganta maradopkon angka bangso, dibaen Ia do hita gabe pangarajai ni sude marga ni bangso.

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

1 SAMUEL 23:5

Jadi kehe ma si Daud dohot parangannia i tu Kehila mangalo dohot mamunu bahat halak Pilistin dohot mangarampas pahan-pahanan ni halahi. Songon i ma dibaen si Daud paluahon halak kota i.

1 SAMUEL 30:17

Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.