MASMUR 18:34 - BIBEL JAMITA NA DENGGAN

³⁴ Diajari Ia do au maralo di parporangan, sior na togu pe momo sajo husiorkon.

MASMUR 18:34 ပူးပေါင်းရင်းမြစ်များ

2 SAMUEL 22:36

Tuhan, malua do au muda Ho parondinganku. gabe sangap do au hara ni pangurupiMu.

MASMUR 144:1

Puji ma Tuhan, pangondianku! Dilatik Ia do au marjuang, jana diajar Ia do au marporang.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

JESAYA 28:6

Lehenon ma roha hasintongan di angka panguhum dohot habaranion tu angka panjago ni harbangan ni kota i maradopkon musu na ro mamorangi.

JESAYA 45:1

Songon on do hata ni Tuhan, “On ma hatangKu tu halak na Hupasupasu i, si Kores na dung Hutiop tangan siamunna. Anso Hutaluhon angka bangso na di jolona, dohot mamupusi angka raja; anso Hubuka angka pintu na di jolona, jana angka horbangan pe nada tartutup be mangulahi.”

JEREMIA 49:35

Pandok ni Tuhan, “Satutuna tipulkononKu ma Sior ni Elam, i ma hagogoon ni halahi.

HOSEA 1:5

Di hatiha i, roncohononKu ma hagogoon ni tentara ni Israel di Rura Jisreel.”

HABAKUK 3:19

Dilehen Ho do di au gogo songon pat ni ursa, patku dipatohong Ho. Dijagohon Ho do au anso sonang, di na mardalani au di partoran.