MASMUR 18:31 - BIBEL JAMITA NA DENGGAN

³¹ Angke nada adong Debata asing sian Tuhan, hum Debata do na mangalehen parlindungan.

MASMUR 18:31 ပူးပေါင်းရင်းမြစ်များ

2 SAMUEL 22:32

Harana, ise ma he Debata asing ni Tuhan? Asing ni Debata, ise dope di hita parondingan?

MASMUR 12:7

Sun tu dia halak na jahat mardalani, parohon mara tu sude jolma i. Tapi ale Tuhan, Ho ma mangondingi, anso sonang hami sian hajungkatan ni halahi.

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

PODA 30:5

Digohi Debata do sude janjiNia. Songon parince do Ia di sude na ro marsiholip tuSia.

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.

JEHESKIEL 18:29

Jana hamu pe ale halak Israel, didok hamu na sala do na nibaen ni Tuhan. Tutu dehe sala na Hubaen i, ale Israel? Nada! Hamu do na marampalan!”

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.