MASMUR 18:29 - BIBEL JAMITA NA DENGGAN

²⁹ Markite pangurupiMu hutaluhon musu marparangan, jana hubolus benteng partahanan.

MASMUR 18:29 ပူးပေါင်းရင်းမြစ်များ

2 SAMUEL 22:30

Mardongankon Ho puluk do au mandege panggaori, rap dohot Ho, hurumbakkon benteng ni musungki.

2 SAMUEL 5:25

Dipadalan si Daud ma songon na niparentahon ni Tuhan i jana ditaluhon ia halak Pilistin sian Geba lalu tu Geser.

JOB 29:3

Matua na sai diurupi Ia ma au, ditorangi Ia di na mardalan di na golap au.

MASMUR 144:1

Puji ma Tuhan, pangondianku! Dilatik Ia do au marjuang, jana diajar Ia do au marporang.

MASMUR 144:10

Dilehen Ho do hamonangan di angka raja, jana di si Daud naposoMu dilehen Ho do haluaan.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

1 SAMUEL 17:49

Dirogo si Daud ma cakunia mambuat sada batu lalu diambalang ia ma tu si Goliat. Hona ma batu i tu bohi ni si Goliat, jadi gabe tapor ma ulunia i, jana unggal ma ia manungkap bohina i tu tano.

1 SAMUEL 23:2

Dung i disapai ia ma tu Tuhan, “Angkon kehe dehe au mangalo halak Pilistin i?” ning ia. “Olo,” ninna Tuhan mangalusi, “Alo ma halahi jana palua ma Kehila.”

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”