MASMUR 18:27 - BIBEL JAMITA NA DENGGAN

²⁷ Dipalua Ho do angka na toruk roha, dipatunduk Ho do na ginjang roha.

MASMUR 18:27 ပူးပေါင်းရင်းမြစ်များ

2 SAMUEL 22:28

Ingkon do sai ditolong Tuhan halak na patoruk rohana, tapi dipatoruk Ia do halak siginjang roha.

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 17:10

Nada adong di halahi ibo ni roha hata-hata ni halahi, hata manggang na so hasaya.

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

MASMUR 9:18

Nada tongtong halak na dangol dihalupahon, nada torus halahi so marpangaropon.

PODA 30:12

Adong do halak na mangetong ias dirina hape nian na santak do hodarna.

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.