MASMUR 18:22 - BIBEL JAMITA NA DENGGAN

²² Sude tonaNia madung huparrohahon, parentaNia nada adong na hulupahon.

MASMUR 18:22 ပူးပေါင်းရင်းမြစ်များ

JOB 23:11

Burju do au tuSia jana setia; na so jungada do au manyimbil sian dalan na nitontuhonNia.

MASMUR 119:112

Sai giot oloanku do hatontuan na nibaenMu, lopus tu ujung ni ngolungku.

MASMUR 119:117

Tungkoli ma au anso sonang, jana anso sai huparrohahon parentaMu.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:13

Marsora na gogo giot pabotohononku sandok uhum na nilehenMu.

MASMUR 119:30

Madung diputuskon rohangku laho mangoloi, sai huingot-ingot do parentaMi.

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

PANGARATAION 26:13

dokkon hamu ma tu Tuhan, ‘Sian na saparsampulu pandapotan ni na hukarejohon na patut gabe nampuna ni Tuhan, saotik pe nada adong be tinggal di bagasku; madung hulehen sude di halak Levi, halak sileban dakdanak na so marama, dohot di angka na mabalu songon na diparentahon ni Tuhan tu au. Sada pe nada adong na hulanggar sian parenta ni Tuhan salaho tu parsampuluan i.

PANGARATAION 26:14

Saotik pe sian haul parsampuluan i nada adong na hupangan di hatiha siluluton; sanga huoban tu ruar ni bagas dompak hodar au, jana saotik pe sian i nada adong na hulehen gabe pelean di halak na mate. Madung huoloi Ho, ale Tuhan; madung hupatulus sude na niparentahonMi taringot tu parsampuluan i.