MASMUR 18:21 - BIBEL JAMITA NA DENGGAN

²¹ Madung hupatulus parenta ni Tuhan, jana nada jungada marbalik au sian Debatangku.

MASMUR 18:21 ပူးပေါင်းရင်းမြစ်များ

2 JUJUR TAON 20:32

Songon amangnia si Asa, laing dipatupa si Josafat do na denggan di panatapan ni Tuhan.

2 JUJUR TAON 34:33

Dironcohon Raja Josia ma sudena angka gana-ganaan sihagigian na adong di angka inganan na masuk tu luat ni halak Israel. Disuru ia ma rayatnia i maribadat tu Tuhan, Debata ni ompu ni halahi. Jadi salolot di ngolu ni si Josia, sai tongtong do setia rayat i tu Tuhan.

MASMUR 119:102

Nada hupapudi angka uhumMu, angke Ho sandiri do mangajari au.

MASMUR 17:4

Pangkuling ni parjahat nada hutiru, parentaMu huoloi jana na mangasahon gogo padaoonku.

MASMUR 26:1

Lehen ma hatigoran tu au ale Tuhan, angke madung hupatupa na denggan. Tu Ho do au mararop roha, saotik pe nada au marganggu ni roha.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

PODA 8:32

Tangihon ma au, ale na poso-poso! Ihutkon ma panogu-noguonku anso martua ho.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

1 TESSALONIKA 2:10

Hamu do saksinami, songon i dohot Debata, na ias, tigor, jana na so martihas do pangalahonami adop hamu na porsaya.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.