MASMUR 18:2 - BIBEL JAMITA NA DENGGAN

² Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 18:2 ပူးပေါင်းရင်းမြစ်များ

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

MASMUR 116:1

Huhaholongi do Tuhan, dibaen ditangihon Ia do au, diparrohahon Ia pangidoanku.

MASMUR 132:17

Sahalak sian pomparan ni si Daud baenonKu gabe raja, patoguonKu ma pangarajaionnia.

MASMUR 144:2

Ia do pangondian dohot na mambela au, parlinggoman dohot na palua au. Ia do pos ni rohangku, muda diSia sonang do au; tunduk dibaen Ia angka bangso tu au.

MASMUR 19:14

Sai jagit ma pikiran dohot hatangku, o Tuhan, panjago bope sipalua di au.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 62:7

Ia do Debata na mangalehen haluaan dohot hasangapan di au. Debata do pangondianku dohot na gogo mambela au.

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

PODA 18:10

Songon palas-palas na togu do Tuhan; tusi do maporus halak partigor anso malua.

PODA 2:7

Dilehen Ia do tu halak na daulat pangurupion dohot parlinggoman.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

IBRANI 2:13

Didok Jesus dope, “Tu Debata noma Au mararop ni roha.” Jana didok Jesus muse dope, “Dison do Au rap dohot angka dakdanak na nilehen ni Debata di Au.”