Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.
Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.
Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.
Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.
Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.
Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.
Di na manghaulkon haul na nitutung i si Samuel, mamungka ma halak Pilistin mangaroro; tapi laing topet ma disi mangaronggur Tuhan sian langit tu ginjang ni halahi. Gabe sarsar ma halahi marlojong so diboto be tondongonna.