MASMUR 17:10 - BIBEL JAMITA NA DENGGAN

¹⁰ Nada adong di halahi ibo ni roha hata-hata ni halahi, hata manggang na so hasaya.

MASMUR 17:10 ပူးပေါင်းရင်းမြစ်များ

MASMUR 119:70

Nada diastui angka jolma i, hape anggo di au uhumMi do pasonang rohangku.

MASMUR 123:4

Tuk ma bahatna incak ni halak na kayo tu hami dohot incak-incak sian halak na jungkat roha i.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

BAENON NI ANGKA RASUL 28:27

Angke madung jogal roha ni bangso on, disumpol halahi do pinggolna jana dipapitpit matana. Angke sugari nada songon i, tontu marnida do mata ni halahi, marbinege do pinggolna, mangarti muse do roha ni halahi, jana mulak do halahi tu Au, disi ma Hupamalum halahi.’ ”

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.