MASMUR 17:1 - BIBEL JAMITA NA DENGGAN

¹ Tangihon au martangiang sian sandok rohangku, ale Tuhan, parate-atehon pio-piongku mangido hatigoran.

MASMUR 17:1 ပူးပေါင်းရင်းမြစ်များ

2 SAMUEL 22:24

Diboto Ia do au na so mardosa na mandao sian pangalaho na targora.

2 JUJUR TAON 7:15

Sai torus ma pamanatonKu bagas paribadatan on jana rade do Au manangihon sude tangiang na dipanaek di inganan on.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

JOB 16:17

hape nada au mangasa hagogoan; tangkas do na bulus pangidoanku maradopkon Tuhan.

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 140:12

O Tuhan, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

MASMUR 142:1

Pio-pio do au tu Tuhan, tuSia do au mangido partolongan.

MASMUR 142:6

Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.

MASMUR 143:1

Ale Tuhan, tangihon ma tangiangku, parrohahon ma pangidoanku. Alusi ma au hara ni habonaranMu, patulus ma tangiangku hara ni hatigoranMu.

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

MASMUR 18:20

Dibalos Tuhan tu au, angke giotNia do antong nipambaenan, dipasupasu Ia au angke nada hubaen hasalaan.

MASMUR 18:44

Bangso na asing i tunduk tu au, jana mangoloi muda tarbege parentangku.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

MASMUR 5:2

Pio-pio do au tu Ho urupi ma au, o Rajangku jana Debatangku.

MASMUR 54:4

Tapi Ho do panolongi anggo di au, ale Debata, Ho do Tuhan na manungkoli ngolungku.

MASMUR 55:18

BoanonNia do au mulak di bagasan hahorasan, sian parporangan mangalo musu na bahat.

MASMUR 61:1

Tangihon ma ale Debata angguk-anggukku jana parate-atehon ma tangiangku.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

MASMUR 66:19

Hape madung ditangihon Tuhan au, diparrohahon Ia do pangidoanku.

MASMUR 7:8

Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

MASMUR 84:9

Ligi ma parincenami, ale Debata, ligi ma bohi ni na nitodoMu sandiri.

MASMUR 86:1

Tangihon ma tangiangku ale Tuhan, alusi ma au, dibaen pogos jana gale do au.

MASMUR 86:6

Parrohahon ma tangiangku ale Tuhan, tangihon ma angguk-anggukku mangido partolongan.

MASMUR 88:3

Bahat do hasusaan na dondon tu au hamatean madung sihir di jolo ni pintu.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

MATEUS 15:8

‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

1 JOHANNES 3:21

Ale hamu angka dongan na nihalungunan, muda nada diuhumi rohanta hita, adong ma pos ni rohanta mida Debata.