MASMUR 16:7 - BIBEL JAMITA NA DENGGAN

⁷ Pujionku ma Tuhan na mangajari au, di tonga borngin pe rohangku parbagasan i paingot au.

MASMUR 16:7 ပူးပေါင်းရင်းမြစ်များ

MASMUR 119:148

Sasaborngin sai jonggor do matangku, laho pasari-sari pangajaranMu.

MASMUR 119:55

Huingot do Ho muda borngin, ale Tuhan, sai hutiop do tongtong TonaMu.

MASMUR 119:7

Ganop hutangkasi tigor ni haputusanMu, hupuji do Ho sian ias ni rohangku.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 22:2

Ale Debatangku, hatiha arian au pio-pio, tapi laing tongtong do hohom Ho. Hatiha borngin martangiang au, laing nada sonang rohangku.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MASMUR 63:6

Di na payak au di podoman, huingot do tu Ho; sasaborngin sai huhalungunkon do Ho,

MASMUR 73:21

Dompak marnyae roha au, jana manaon hapaeton ni ngolu,

MASMUR 73:24

Ditogu Ho do au marhite sipaingot, jana giot lehenonMu hatuaan di au sogot.

MASMUR 77:2

Dompak di hasusaan pio-pio do au tu Tuhan. Sasaborngin huangkat tanganku di na martangiang, hape nada tarapoi anggo rohangku di bagasan.

MASMUR 77:6

Bornginna i marpikir-pikir ma au jana sapa-sapa di bagasan rohangku,

PODA 8:14

Hubaen do sangkap, lalu hupadalan. Pistar do au boti muse marhagogoan.

JESAYA 26:9

Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JEREMIA 12:2

Songon suan-suanan, disuan Ho halahi; marurat ma i, martumbur jana marbatu. Matua sai mandok hata na denggan-denggan halahi taringot tu Ho, hape anggo di bagasan roha ni halahi satutuna nada holong roha ni halahi mida Ho.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.