MASMUR 16:4 - BIBEL JAMITA NA DENGGAN

⁴ Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

MASMUR 16:4 ပူးပေါင်းရင်းမြစ်များ

PAMUNGKAAN 35:14

Di inganan ni Debata na mandok hata i tu si Jakob, dipajongjong si Jakob ma sada batu parningotan. Jana dibaen ia ma i gabe hapunjungan ni Debata, di na niusehonnia anggur dohot miak zetun di ginjangna i. Songon i ma dibaen ia laho mambaen batu gabe hapunjungan ni Debata.

MASMUR 32:10

Sanga ise angka pardosa, dondonan ni bahat hasusaan; tapi anggo na marpos ni roha tu Tuhan sai hot do i dilinggomi jana dihaholongi Tuhan.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

JESAYA 57:6

Dipalagut hamu angka batu na landit sian inganan i, lalu disomba hamu ma i. Diduruskon hamu anggur jana dipelehon hamu gandum tusi. Diambang hamu lakna sonang rohangKu mida i?

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 7:18

Dipalagut angka dakdanak do soban, halaklahi na magodang pagarahon api jana dadaboru mancampur adonan laho pature kue di debata boru-boru na nigoaran ni halahi Ratu Banua Ginjang. Jana na pahancit rohangKu dihaulkon halahi muse ma anggur tu angka debata.

HAMALIMON 23:13

Rap dohot i angkon lehenonmunu dope haul sipanganon dua kilo gram topung dicampur dohot miak zetun. Uap ni haul i ma na pajop roha ni Tuhan. Lehen hamu muse ma rap dohot i anggur saliter bahatna.

JUNUS 2:8

Angka na manyomba gana-ganaan na so marguna, ditadingkon do Ho jana nada be setia.

JOSUA 23:7

Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.