MASMUR 16:11 - BIBEL JAMITA NA DENGGAN

¹¹ Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 16:11 ပူးပေါင်းရင်းမြစ်များ

MASMUR 139:24

Pareso ma betak na sala do dalan na hubolus, togu ma au di dalan na manongtong.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 4:8

Gabe modom ma au di bagasan sonang angke hum Ho do da Tuhan na bisa manjago au.

MASMUR 68:4

Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

PODA 12:28

Hasintongan do dalan tu hangoluan; tapi tu hamatean do dalan ni na jahat.

PODA 2:19

Sanga ise na mandapotkon i nada jungada mulak be i tu dalan na manuju hangoluan.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

PODA 5:6

Nada dipikiri ia dalan hangoluan, madung manyirpang ia, jana nada diboto sanga aha sidalananna.

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

MATEUS 25:33

Palaguton ma biri-biri sabola siamunNia, hambeng sabola siambirangNia.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 5:8

Martua ma halak na ias rohana, angke halahi ma na giot marnida Debata.

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

BAENON NI ANGKA RASUL 2:28

Madung dipatidahon Ho tu au dalan tu hangoluan na so mantak i. Dilehen Ho do di au gok jop ni roha di adopanMu.’

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

1 KORINTUS 13:12

Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

HALUMBAAN 22:5

Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.