MASMUR 16:10 - BIBEL JAMITA NA DENGGAN

¹⁰ angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 16:10 ပူးပေါင်းရင်းမြစ်များ

JOB 11:8

Gumincat sian langit do da kuasoNia, na so tolap ho do mandungdung manjujarsa. Dao umbagas do kuasoNia sian portibi hamatean, nada haastuan ho i sanga andigan.

MASMUR 139:8

Muda manaek au tu langit, disi do Ho, sugari modom au di hamatean, disi pe laing adong Ho.

MASMUR 49:15

Tapi anggo au paluaon ni Debata noma, paluaonNia do au sian hamatean.

MASMUR 9:17

Hamatean do bagian ni halak pardosa, angka bangso na so manghabiari Debata.

PODA 15:11

Gari banua toru ungkap do di adopan ni Tuhan, dia ma he tartabunihon angka roha ni jolma?

PODA 27:20

Anggo di inganan ni halak na mate, lumbang do inganan; laing songon i ma hagiot ni jolma nada tarsuhat bidangna.

JESAYA 14:9

Madung rade hamatean laho manyambut manjaluangi raja ni Babel i. Gabe tarsunggul ma sumangot ni angka halak na markuaso narobi di tano on, dohot sumangot ni angka raja marjongjongan ma sian habangsa ni halahi.

JESAYA 5:14

Maradu ngangang ma pamangan ni rura hamatean laho mambondut angka halak na godang di Jerusalem rap dohot rayat na somal marpesta i.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HAMALIMON 19:28

Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.

AMOS 9:2

Haru pe mamintas halahi tu inganan ni halak na mate, tarihonKu do halahi. Haru pe manaek halahi tu langit, paijuronKu halahi sian i.

BILANGAN 6:6

Gabe tanda do obuknia i bahaso na dung dilehen ia sude ngolunia tu Debata. Hara ni i ma nada tola pahodaronnia dirinia. Nada tola donok ia tu bangke, haru pe bangke ni amangna, inangna sanga bangke ni kahanggina.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 16:23

Mardangol situtu ma ia di inganan ni angka na mate i. Jadi di na manatap ia tu ginjang, diida ia ma si Abraham di sihadaoan, jana di lambung ni si Abraham ma si Lasarus.

LUKAS 4:34

“O Jesus halak Nasaret, na giot mambaen bia do Ho tu hami? Adong he na giot mangagohon hami do Ho? Huboto do sanga ise Ho: Na Badia do Ho sian Debata!”

1 KORINTUS 15:42

Songon i ma pangalahona sanoli on taringot tu angka na mate mangulahi dipangolu. Anggo pamatang na nitanom i, pamatang na ra busuk do i. Tapi anggo pamatang na mulak mangolu i, pamatang na so marhaujungan do i.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 20:13

Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.