MASMUR 15:5 - BIBEL JAMITA NA DENGGAN

⁵ jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

MASMUR 15:5 ပူးပေါင်းရင်းမြစ်များ

MASMUR 106:3

Martua ma sanga ise na mandalankon angka parentaNia, jana na sai tigor di angka tindakanna.

MASMUR 112:6

Anggo halak na burju nada ganggu, salolot-lolotna do ia niingot.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

HARURUAR 22:24

MuruhanKu do hamu jana bunuonKu di porang. Mabalu ma daborumi jana nada marama be angka dakdanakmi.

HARURUAR 22:25

Muda painjamkon hepeng hamu tu halak na pogos sian dongan sabangsomunu, ulang baen hamu songon partunggu ni parsingir na manuntut bunga ni hepeng i.

PODA 10:30

Halak na ias marroha mangolu aman; halak na jahat usiron do sian tano pusakona.

PODA 12:3

Nada hot marbungaran halak hara ni hajahatan; halak na jujur hot do so tarhutur.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

JESAYA 33:15

Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.

JEHESKIEL 18:17

Na so jungada do dibaen ia na jahat sanga na painjamkon ia mardongan bunga. Burju do ia mandalankon angka tona na sian Au jana dioloi ia do na Huparentahon. Nada mate anakna i hara ni angka dosa ni amangna, tapi laing tongtong do mangolu.

JEHESKIEL 18:27

Tapi muda halak na jahat nada be mambaen dosa, tapi dipungka ia mambaen pangalaho na tigor dohot na denggan, malua ma hosana.

JEHESKIEL 18:8

Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

MATEUS 26:15

Didok ia ma tu halahi, “Aha ma lehenonmunu di au muda hupasahat Jesus tu hamu?” Dung i dietong halahi ma tolu pulu hepeng perak. Dilehenkon halahi ma hepeng i tusia.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PANGARATAION 23:21

Muda dijanjihon hamu sanga na aha tu Tuhan Debatamunu, ulang ma palambat-lambat laho patuluskon sanga aha na nijanjihonmi, angke torus do i ditunggu Tuhan, jana mardosa do hamu muda nada digohi hamunu i.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”