MASMUR 15:4 - BIBEL JAMITA NA DENGGAN

⁴ na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 15:4 ပူးပေါင်းရင်းမြစ်များ

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

ESTER 3:2

Diparentahon raja i ma tu sude pagawenia anso pasangapkon si Haman, marsomba di jolonia. Sude do mangoloi parenta i, asing sian si Mordehai.

MASMUR 101:4

Hupasiding hagedukan jana mandao do au sian hajahatan.

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

MASMUR 119:63

Ale-ale ni na manghabiari Ho do au, dohot na patuluskon parentaMu.

MASMUR 16:3

Hupasangap angka halak na daulat di luat on, tinggal rap dohot halahi, i ma huhagiotkon.

MATEUS 5:33

“Dibege hamu do poda na adong di angka ompunta: ulang porso janjimu. Sanga aha na nijanjihonmu mardongan sumpa tu Debata, angkon patulusonmu do i.

BAENON NI ANGKA RASUL 24:25

Tapi di na nipajojornia taringot tu haburjuon dohot hatomanon songon i dohot taringot tu Ari Parpudi, gabe mabiar ma si Peliks. Didok ia ma tu si Paulus, “Saonnari madung tola ho mulak. Hupio pe ho sanga andigan habolasan,” ning ia.

BAENON NI ANGKA RASUL 28:10

Bahat do dipatupa halahi silehen-lehen di hami, jana dioban halahi ma tu kapal sudena na porlu di hami laho kehe hami marlayar.

1 JOHANNES 3:14

Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”