MASMUR 149:4 - BIBEL JAMITA NA DENGGAN

⁴ Jop do roha ni Tuhan di bangsoNia, halak na toruk marroha dilehen Ia hamonangan.

MASMUR 149:4 ပူးပေါင်းရင်းမြစ်များ

MASMUR 117:2

Angke dihaholongi Ia situtu do hita, setia do Ia salolot-lolotna. Puji ma Tuhan!

MASMUR 132:16

PasupasuonKu angka malimnia di sude ragam ni karejona, marendei jana marmoga-moga ma bangsonia.

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

MASMUR 22:8

Ninna halahi, “Dipangasahon ho do Tuhan; biasi nada ro Ia paluahon? Anggo jop do roha ni Tuhan mida ho, biasi nada ditolong Ia ho?”

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 90:17

Ale Tuhan Debatanami, pasupasu ma hami, anso manjadi sude karejonami.

PODA 11:20

Halak na marroha na jahat dihagigihon Tuhan; dihaholongi Ia do halak na mambaen na denggan.

ENDE NA GODANG 1:11

Baenonku ma di ho borgok sere, marsimatahon perak bunga-bungana.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

IBRANI 12:10

Marhatiha do pangajaran ni natorasta na di tano on tu hita, hombar tu na denggan na niboto ni halahi. Tapi anggo Debata, diajari do hita laho padenggankon hita, anso gabe badia hita rap dohot Ia.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.