MASMUR 149:1 - BIBEL JAMITA NA DENGGAN

¹ Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

MASMUR 149:1 ပူးပေါင်းရင်းမြစ်များ

MASMUR 111:1

Sian sandok rohangku, sai mandok tarimakasi do au tu Tuhan di tonga-tonga ni parpunguan ni bangsoNa.

MASMUR 116:18

Patulusonku ma janjingku tu Tuhan, di jolo ni bangsoNia sudena,

MASMUR 144:9

Endehononku ma di Ho logu na imbaru, ale Debata, jana piltihonku ma hasapi na martali sampulu.

MASMUR 148:1

Puji ma Tuhan, hamu sude na adong di banua ginjang, sandok na maringanan di inganan na timbo, puji ma Ia!

MASMUR 22:22

Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.

MASMUR 22:25

Pujionku ma Tuhan di tonga ni punguan ni bangso i, hara ni sude angka na dung dibaen Ia. Di adopan ni umat i na manghabiari Tuhan, huhaulkon haul na hujanjihon.

MASMUR 33:3

Endehon ma ende na imbaru di Tuhan, denggan baen pamiltik ni hasapi i, jana marsurak ma marjop ni roha!

MASMUR 35:18

Jadi mandok tarimakasi ma au di tonga-tonga ni bangsoMu, jana di parlagutan ni halahi pujionku ma goarMu.

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

MASMUR 89:5

Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

MASMUR 96:1

Endehon ma logu na imbaru di Tuhan! O hamu portibi sudena, marende ma hamu di Tuhan.

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

IBRANI 2:12

Ning Ia ma, “PaboaonKu ma tu angka kahanggingKu taringot tu Ho. PujionKu ma Ho di tonga-tonga ni parlagutan.”

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.