MASMUR 147:8 - BIBEL JAMITA NA DENGGAN

⁸ Ia do pahembangkon ombun di ginjang an, parohon udan di tano jana patubu duhut di dolok.

MASMUR 147:8 ပူးပေါင်းရင်းမြစ်များ

PAMUNGKAAN 9:14

Ganop Hututupi langit dohot ombun i, gabe tarida ma halibutongan i,

JOB 5:10

Diparo Ia udan tu tano, mandurus ladang mambornok padang.

MASMUR 135:1

Puji ma goar ni Tuhan, ale hamu angka naposoNia

PODA 27:25

Disabi do ruput na di ladang dohot na di dolok jana dipalagut baen di pahan-pahanan. Manigor do tubu ruput na imbaru.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”