MASMUR 147:3 - BIBEL JAMITA NA DENGGAN

³ Dipamalum Ia halak na marnyae roha, jana dibalut Ia angka bugangna.

MASMUR 147:3 ပူးပေါင်းရင်းမြစ်များ

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

MASMUR 34:18

Donok do Tuhan tu halak na mandele, dipalua Ia do halak na manderse rohana.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 51:17

Anggo haul na tabo di Ho, ale Debata, i ma roha na magopu, roha na unduk jana na muba nada ditulak Ho.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,