MASMUR 147:10 - BIBEL JAMITA NA DENGGAN

¹⁰ Nada lomo roha ni Tuhan tu kudo na gogo; sanga pe ulubalang na barani.

MASMUR 147:10 ပူးပေါင်းရင်းမြစ်များ

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

JOB 39:11

Tarpangasahon ho ma he gogona na sumurung i, jana pasahatonmu tusia karejomu na borat i?

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

PODA 21:31

Haru pe dipasingkop kudo porang tu parporangan, laing Tuhan do na manontuhon hamonangan.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”