MASMUR 146:9 - BIBEL JAMITA NA DENGGAN

⁹ Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

MASMUR 146:9 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 147:6

Diangkat Ia halak na hona sosak, tapi anggo parjahat ditombomkon Ia tu tano.

MASMUR 18:26

Ias do rohaMu tu halak parroha na bulus, tapi dialo Ho do halak pargabus.

MASMUR 68:5

Debata na maringanan di ingananNia na badia, i ma da Ama ni na so marama jana Pangondian ni angka na mabalu.

PODA 15:25

Rumpakkonon ni Tuhan do bagas ni halak siginjang roha, tapi diondihon Ia do sinadongan ni ina na mabalu.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

JEREMIA 49:11

O hamu Edom! Tadingkon hamu ma di Au angka dakdanakmunu na so marama so marina. Au ma na pature-ture halahi. Tarbaen angka na mabalumunu do marsigantung tu Au.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

1 KORINTUS 3:19

Angke na nietong ni portibi on bisuk, anggo di parnidaan ni Debata i ma halak na oto. Tarsurat do di Buku Na Badia i, “Dipadapot Debata do angka na bisuk dohot hamaloan ni halahi i sandiri.”

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.