MASMUR 146:4 - BIBEL JAMITA NA DENGGAN

⁴ Muda mate halahi, mulak be do halahi tu tano, laing di na sadari i sisoada ma sude sangkap na nibaenna.

MASMUR 146:4 ပူးပေါင်းရင်းမြစ်များ

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

JOB 14:10

Hape mate jolma i, abis ma parsorionna; marujung ma ngolunia, gabe tu dia noma kehena?

JOB 14:21

Angka dakdanakna gabe halak na marmulia, tapi nada jabat be diboto ia. Jana muda sanga halahi marbile, nada adong halak na paboahon tusia be.

JOB 17:1

Donok noma ajalku jana abis ne ma gogongku; hum tanoman noma na tading di au.

JOB 17:11

Salpu ma ariniba, sundat ma sude sangkap; mago muse ma sandok parsintaan ni rohaniba.

JOB 27:3

husumpahon: Salolot laing markosa au baenon ni Debata, sapanjang adong hosa di bagasan pamatangniba,

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MASMUR 33:10

Disundati Tuhan do sangkap ni angka bangso, disoadahon Ia do sangkap ni halahi.

MASMUR 90:3

Disuru Ho do mulak jolma tu asalna, gabe abu songon di mulana.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 9:6

Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

1 KORINTUS 2:6

Haru pe songon i, anggo tu halak na dung togu haporsayaanna, laing huhobarkon do nian taringot tu hamaloan. Tapi nada hamaloan ni portibi on sanga hamaloan ni angka na markuaso di portibi on. Harana mago do kuaso ni halahi i.