MASMUR 145:10 - BIBEL JAMITA NA DENGGAN

¹⁰ O Tuhan, pujian ni sandok na nitompaMu ma Ho, mandok tarimakasi ma sude bangsoMu tu Ho.

MASMUR 145:10 ပူးပေါင်းရင်းမြစ်များ

MASMUR 103:22

Puji ma Tuhan, hamu ale angka na nitompaNia, di sude harajaanNia. Puji ma Tuhan, ale tondingku!

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

MASMUR 149:5

Marjop ni roha ma da bangso ni Debata hara ni na monang, jana marende marmoga-moga sasaborngin.

MASMUR 19:1

Dibaritahon langit do hamuliaan ni Debata, jana dipaboahon awang-awang i do karejo ni tanganNa.

MASMUR 22:23

Hamu angka na daulat marroha, puji hamu ma Ia! Ale pomparan ni si Jakob pasangap ma Ia! Ale pomparan ni Israel, marsomba ma hamu tuSia!

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 32:11

Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

MASMUR 57:9

Ale Tuhan, giot mandok tarimakasi ma au tu Ho di tonga-tonga ni angka bangso. Giot pujionku ma Ho di tonga-tonga ni jolma manusia.

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

MASMUR 69:35

PaluaonNia noma Sion, jana pajongjongonNia mangulahi angka kota ni Juda. Maringanan disi noma bangso i; tano i gabe halahi noma nampunasa,

MASMUR 97:12

Marjop ni roha ma hamu hara ni Tuhan, ale angka halak na bulus marroha, jana mandok tarimakasi ma hamu tu Debata na badia.

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.