MASMUR 144:14 - BIBEL JAMITA NA DENGGAN

¹⁴ Sai mamopari ma angka lombunta, jana ulang adong nian na tarposo sanga na marmagoan. Sai ulang nian adong na habegean holsoan tu pandelean di angka dalan na di kotanta.

MASMUR 144:14 ပူးပေါင်းရင်းမြစ်များ

JOB 39:11

Tarpangasahon ho ma he gogona na sumurung i, jana pasahatonmu tusia karejomu na borat i?

JESAYA 24:11

Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

JESAYA 65:19

Au sandiri pe marsurak-surak hara ni Jerusalem, jana marjop ni roha hara ni bangsongKu; di kota i nada adong be habegean sora ni na tangis dohot na mangangguk.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

HAKIM-HAKIM 5:8

Di na marsomba Israel tu debata na asing, porang pe mapultak, nada adong na marsinjata sian na opat pulu ribu halak.

HAKIM-HAKIM 6:3

Boti muse, ganop dung sidung manyuan gandum angka partani ni Israel, marroan ma halak Midian rap dohot halak Amalek dohot angka halak na sian parhorsihan mangaroro halak Israel.

HAKIM-HAKIM 6:6

jana nada tarbaen halak Israel bagi aha maradopkon halahi. Dung i pio-pio ma halak Israel tu Tuhan.

1 SAMUEL 31:7

Jadi dung dibege angka halak Israel na maringanan di bariba ni Rura Jisreel dohot na di Habincaran ni Batang aek Jordan na maporus palua dirina tentara ni Israel, jana si Saul pe dohot angka anaknia madung mate, markehean ma halahi manadingkon kotana lalu maporus muse. Dung i marroan ma halak Pilistin tu angka kota i jana diingani halahi ma i.