MASMUR 144:13 - BIBEL JAMITA NA DENGGAN

¹³ Sai bubung ma nian angka soponta marisi dohot sude suha ni karejonta i. Sai sinur ma angka biri-biri na tapahan di padang mamopari lopus marpulu ribu bahatna.

MASMUR 144:13 ပူးပေါင်းရင်းမြစ်များ

HAMALIMON 26:10

Sabionmunu marlipat ganda, jabat tuk sataon. Pola tehe mangambungkon na lobi di sabion na salpu anso adong inganan ni suha ni sabion na baru.

HAMALIMON 26:5

Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.