MASMUR 143:9 - BIBEL JAMITA NA DENGGAN

⁹ Ro do au tu Ho giot maronding-onding, ale Tuhan, palua ma au sian angka musungku.

MASMUR 143:9 ပူးပေါင်းရင်းမြစ်များ

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 142:7

Palua ma au sian hurungan, anso tarbaen au dohot mamuji goarMu, muda hatiha rap marlagut bangsoMu, angke denggan do na nibaenMu tu au.

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

MASMUR 57:2

Pio-pio do au tu Debata Na Gumincat i, tu Debata na patupahon sude haporluanku.

MASMUR 59:1

Ale Debatangku, palua ma au sian angka musungku, ondihon ma au sian halak na mangaroro au.

PODA 18:10

Songon palas-palas na togu do Tuhan; tusi do maporus halak partigor anso malua.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.