MASMUR 143:12 - BIBEL JAMITA NA DENGGAN

¹² Bunu ma sude na mamparhanciti au, dibaen holong do rohaMu di au. Matehon ma sude na manyosak au, dibaen naposoMu do au.

MASMUR 143:12 ပူးပေါင်းရင်းမြစ်များ

MASMUR 116:16

NaposoMu do au on, ale Tuhan, laing songon dainang i, au pe, huoloi do Ho; madung dipalua Ho au sian hamatean.

MASMUR 119:94

Palua ma au, dibaen Ho do nampuna au, madung husitutui mangoloi haputusanMu.

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

MASMUR 54:7

Dipalua Ho do au sian sasude hamaolon, huida do musungku ditaluhon.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.