MASMUR 143:1 - BIBEL JAMITA NA DENGGAN

¹ Ale Tuhan, tangihon ma tangiangku, parrohahon ma pangidoanku. Alusi ma au hara ni habonaranMu, patulus ma tangiangku hara ni hatigoranMu.

MASMUR 143:1 ပူးပေါင်းရင်းမြစ်များ

2 SAMUEL 7:25

“Jana saonnari ale Tuhan Debata, sai lomo ma rohaMu sapanjangna pahotkon janji na nidokMi salaho tu diringku sandiri dohot tu pomparanku, jana sai lomo ma rohaMu patuluskon sanga aha na nijanjihonMi.

MASMUR 140:6

Ale Tuhan, huoku do Ho Debatangku; parrohahon ale Tuhan, tangiang pangidoanku.

MASMUR 17:1

Tangihon au martangiang sian sandok rohangku, ale Tuhan, parate-atehon pio-piongku mangido hatigoran.

MASMUR 31:1

Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.

MASMUR 71:2

Dibaen na tigor do Ho, palua ma au, sai tangihon jana palua ma au.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.