MASMUR 142:3 - BIBEL JAMITA NA DENGGAN

³ Di hatiha mandele rohangku diboto Ho do sanga aha noma na angkon baenonku. Di dalan na angkon sibolusonki ditaon musu i do jorat di na buni maradopkon au.

MASMUR 142:3 ပူးပေါင်းရင်းမြစ်များ

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 102:1

Ale Tuhan, tangihon ma tangiangku, parrohahon ma pangidoanku.

MASMUR 102:4

Hona pukul ate-atengku songon duhut na hiang, nada lalu au be mangan.

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 141:9

Ondingi ma au sian jorat na nitaon ni halahi tu au, sian tirangkap ni angka parjahat i.

MASMUR 143:4

Madung talu semangat au, angke madung mandele situtu au.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

MASMUR 31:4

Padao ma au sian jorgong na nitaon tu iba, linggomi ma au sian mara.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MASMUR 77:3

Muda tarsingot rohangku tu Debata, mariale ma au, muda hupasari-sari sudena i, mur magopu ma rohangku.

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.