MASMUR 141:1 - BIBEL JAMITA NA DENGGAN

¹ Pio-pio do au tu Ho, ale Tuhan, markobas ma Ho mangurupi au. Sai manangi ma nian Ho muda pio-pio au tu Ho.

MASMUR 141:1 ပူးပေါင်းရင်းမြစ်များ

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

MASMUR 143:1

Ale Tuhan, tangihon ma tangiangku, parrohahon ma pangidoanku. Alusi ma au hara ni habonaranMu, patulus ma tangiangku hara ni hatigoranMu.

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 22:19

Tapi anggo Ho ale Tuhan, ulang ma Ho mandao, manigor ompoti ma mangurupi au jolo.

MASMUR 28:2

Tangihon ma pangidoanku, muda huangkat tanganku adop BagasMu.

MASMUR 40:13

Palua ma au, ale Tuhan, manigor urupi ma au!

MASMUR 70:2

Sugari halak na sai giot mamunu au dipatalu ma nian jana maporus so martontu. Sugari halak na manggorai bagianku, dipaulak ma nian jana di palebak.

MASMUR 70:5

Gale do au on jana pogos; ale Debata, ro ma da Ho manigor. Ho do pangurupi dohot sipalua di au, manigor ro ma da Ho, ale Tuhan.

MASMUR 71:12

Ulang Ho mandao sian au, ale Debata, Debatangku, manigor urupi ma au.