MASMUR 140:2 - BIBEL JAMITA NA DENGGAN

² Sai na mambaen sangkap hajahatan do halahi dibagasan rohana jana ganop ari pabira-birahon parbadaan.

MASMUR 140:2 ပူးပေါင်းရင်းမြစ်များ

MASMUR 120:7

Muda huhatai pardamean, sai porang do dihagioti.

MASMUR 21:11

Dibaen halahi tahi mangalo raja, tapi sangkap ni halahi na jahat i nada marguna.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

MASMUR 59:3

Ligi bo, ma singkop halahi giot mamunu au, mardomu halak na jahat laho manyoro au; hape nian nada hara ni na mardosa au, sanga na hulaosi aturanMu, ale Tuhan.

MASMUR 62:3

Gabur do au songon tembok na giot marobo; intap ni andigan hamu sai giot mamorangi dohot mamisat au?

PODA 12:20

Halak na martahi hajahatan, manipu dirina; halak na parayak hadengganan, gabe martua.

HOSEA 7:6

Songon api di dalihan, songon i ma gara-gara roha jahat ni halahi saborngin i, jana manyogotna i gabe api na gara ma i manggasa-gasa.

NAHUM 1:11

Madung ruar sian ho, ale Ninive, sada halak na gok tahi na jahat. Na mambaen tahi do ia laho mangalo Tuhan.