MASMUR 14:3 - BIBEL JAMITA NA DENGGAN

³ Tapi sude halak madung lilu jana jorngang, nada adong na mambaen na denggan, umpe sada.

MASMUR 14:3 ပူးပေါင်းရင်းမြစ်များ

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

JOB 14:4

Tarbaen ma he jolma pardosa parohon na sanggam soada hurangna?

JOB 15:16

Mur jolma na rorang dohot na jurngit ma hape, na mandorguk hajahatan songon aek.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 38:5

Marnanai angka na mabugang i jana muap bau, hara ni na dung mangasa bodo au.

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

HARURUAR 12:30

Di borngin i, ngot ma raja i, menterina, bope sude halak Mesir. Tarbege do di sude Luat Mesir angguk badar angke sude bagas nada adong na so matean anak halaklahi.

HARURUAR 8:31

ditangihon Tuhan do tangiang ni si Musa i. Morot ma lanok i sian raja i, sian angka menteri dohot sian rayatnia i. Umpe sada lanok i na tading.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

1 KORINTUS 6:5

Paila-ilahon ma hamu songon i! Sai adong do sada-sada halak sian tonga-tongamunu na malo manyalosehon parsalisian ni angka donganta Kristen!

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

PANGARATAION 1:35

‘Sahalak pe sian na sasundut na jahat on nada tola masuk tu luat na dung Hujanjihon i tu ompumunu.