MASMUR 14:2 - BIBEL JAMITA NA DENGGAN

² Sian banua ginjang ditatap Tuhan i do jolma, manjalaki na bisuk na ra manyomba Ia.

MASMUR 14:2 ပူးပေါင်းရင်းမြစ်များ

PAMUNGKAAN 11:5

Jadi mijur ma Tuhan laho mangaligi kota dohot tugu na nipajongjong ni jolma i.

PAMUNGKAAN 18:21

Na giot manuat do Au tu sadu anso Huboto sanga na tutu do, sanga nada angka tuhas-tuhas na Hubege i.”

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

2 JUJUR TAON 19:3

Haru songon i pe, laing adong do nian na denggan di raja i. Dipaduru raja i do sude patung ni Debata Asera na nisomba ni rayat i jana diusahahon raja i do laho mangihutkon hagiot ni Debata.”

2 JUJUR TAON 30:19

“Tuhan, Debata sombaon ni ompunami, sian hadengganan ni rohaMi, sai ra ma Ho nian mangampuni halak na mulak tu Ho sian sasude rohana, haru pe na so mangias dirina dope halahi.”

JOB 15:14

Tarbaen ma he lakna jolma ias sian sala? Tarpatigor ma he jolma di adopan ni Debata?

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

MASMUR 92:6

Anggo halak na bodo nada mangarti halak na oto nada mangastui,

PODA 2:9

Muda dioloi ho do au, ale anakku, botoonmu ma sanga aha na tigor, na jujur dohot na denggan. Laing botoonmu muse ma sanga na songon dia ho patut mangolu.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

PODA 9:16

“Maradian ma jolo, hamu na so marpangalaman!” Jana tu halak na oto didok ia,

PODA 9:4

“Sanga ise na so marpangalaman, ro ma tuson!” Tu halak na oto, didok habisuhon do,

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JESAYA 64:1

Sibakkon ma langit, jana mijur ma Ho ale Tuhan, baen ma angka dolok humutur hara ni biarna,

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

ANDUNG 3:50

lopus diparrohahon Tuhan sian banua ginjang, hami.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

SURAT NI SI PAULUS TU PARLAGUTAN ROM 3:11

Umpe sahalak na mangastui jana umpe adong sahalak na manjalahi Debata.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.