MASMUR 139:23 - BIBEL JAMITA NA DENGGAN

²³ Tangkasi ma au ale Debata, jana dodo ma rohangku; uji ma au jana tandai ma pikiranku.

MASMUR 139:23 ပူးပေါင်းရင်းမြစ်များ

MASMUR 26:2

Sihiri ma au, ale Tuhan, uji ma au, pareso ma lungun dohot pikiranku.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

JOB 31:6

Padiar ma di timbangan na somal au ditimbang Debata, gabe botoonNia ma au na so marsala.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

MASMUR 139:1

Ale Tuhan, disihiri Ho do au, jana ditanda Ho au.

JEREMIA 11:20

Dung i martangiang ma au, “Ale Tuhan Na Markuaso, Ho do panguhum na tigor; Ho do na manguji pikiran dohot roha ni jolma. Tu Ho do Hupasahat parkarongkon; sugari nian tarbaen au ma manyaksihon balos ni angka parange ni jolma on.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 11:5

Diuji Tuhan i do halak na denggan dohot sibaen hajahatan; halak na mangasahon hagogoon sai dihagigihon Ia.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.