MASMUR 137:3 - BIBEL JAMITA NA DENGGAN

³ Angka halak na manaban hita marsuru hita marende di halahi. Angka halak na mamparhanciti hita, marsuru hita mangendehon angka logu na riang sian Sion.

MASMUR 137:3 ပူးပေါင်းရင်းမြစ်များ

1 JUJUR TAON 15:27

Dipake si Daud ma disi baju juba na sian abit linen, songon i dohot angka parmusik bope si Kenanya pamimpin ni halahi i rap dohot halak Levi na maroban Poti Parjanjian i. Laing dipake si Daud muse do baju Efod.

1 JUJUR TAON 16:7

I ma na parjolo dibaen si Daud karejo ni si Asap dohot angka donganna i laho mangendehon puji-pujian tu Tuhan.

NEHEMIA 4:2

Didok ia ma di jolo ni angka dongannia dohot tentara ni Samaria, “Aha do na dikarejohon ni halak Jahudi na gale i? Na giot bangunon ni halahi ma lakna mangulahi kota on? Diambang halahi do lakna tarpasidung di bagasan sadari karejo i, hara ni na manghaulkon haul sajo? Tarbaen halahi ma he lakna timbunan ni rompak-rompak i gabe batu tembok?”

MASMUR 65:1

Patut ma da antong pujionnami Ho di Sion ale Debata laho manggohi janji na hami baen mardongan sumpa.

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

MASMUR 80:6

Dibaen Ho di tanonami gabe boncir ni partangkangan ni angka bangso na hombar, jana dipartatai angka musu hami.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

PODA 25:20

Mangendei halak na marsak roha tudos do i tu na mambuka pakeanna di ngali ni ari songon na mamoro asom tu na mahancitna.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”