MASMUR 132:9 - BIBEL JAMITA NA DENGGAN

⁹ Sai marjop ni roha ma nian bangsoMu jana angka malimMu pe sai mangolu ma mangihutkon giot ni rohaMu.

MASMUR 132:9 ပူးပေါင်းရင်းမြစ်များ

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

JOB 29:14

Tigor do pambaenanku nada adong sigoraan; sai ganop ari do hupajongjong hatigoran.

MASMUR 104:1

Puji ma Tuhan, ale tondingku! Na godang situtu do Ho, ale Tuhan Debatangku! Marpakean hasangapan dohot hatongamon do Ho,

MASMUR 132:16

PasupasuonKu angka malimnia di sude ragam ni karejona, marendei jana marmoga-moga ma bangsonia.

MASMUR 149:5

Marjop ni roha ma da bangso ni Debata hara ni na monang, jana marende marmoga-moga sasaborngin.

MASMUR 47:1

Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 68:3

Hape anggo halak na daulat marmoga-moga, marolop-olop di jolo ni Debata.

MASMUR 70:4

Sai marmoga-moga jana marjop ni roha ma nian sude halak na sai manjalahi Ho. Sai dohonon ni sandok na marhaluaan hara ni haluaon na nilehenMu ma, “Na godang ma da antong Debata!”

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 65:14

Marende ma halahi marjop ni roha, hape anggo hamu ngotngot tangis.

ZEPANYA 3:14

Ale Israel, marsurak ma hamu jana marende! Ale Jerusalem, marmoga-moga ma hamu sian sandok ate-ate.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.