MASMUR 132:7 - BIBEL JAMITA NA DENGGAN

⁷ Beta ma hita kehe tu inganan parmianan ni Tuhan, jana tasomba Ia di adopan ni habangsaNia.

MASMUR 132:7 ပူးပေါင်းရင်းမြစ်များ

MASMUR 118:19

Buka ma angka pintu horbangan ni Bagas Ni Tuhan, anso masuk au jana mandokkon tarimakasi tu Tuhan.

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

MASMUR 99:5

Puji ma Tuhan Debatanta, manungkap ma hamu di joloNia, angke na badia do Ia!

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

ANDUNG 2:1

Di bagasan murukNa do dibaen Tuhan, dilingkup Ia Sion dohot hagolapan. Hagodangan ni Israel na salangit i, madung disampakkon Ia tu portibi. Taran di parmuruk ni Tuhan, bagasNia na di Sion i pe nada diSia marhaporluan.