MASMUR 132:6 - BIBEL JAMITA NA DENGGAN

⁶ Tarbege do di Betlehem taringot tu Poti Parjanjian, jadi gabe dapot hita do i di Padang Jearim.

MASMUR 132:6 ပူးပေါင်းရင်းမြစ်များ

PAMUNGKAAN 35:19

Dung marujung ngolu ni si Rahel, dikuburkon ma ia di lambung dalan laho tu Efrata, i ma na margoar Betlehem saonnari.

2 SAMUEL 6:3

Dibuat ma Poti Parjanjian i sian bagas ni si Abinadab na di ginjang tor i jana dipamasuk ma tu kareta na imbaru. Dung i diihutkon si Usa dohot si Ahio anak ni si Abinadab i ma kareta i. Si Usa ma di lambung ni kareta i,

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

RUT 1:2

Goar ni bayo i si Elimelek, goar ni dadaborunia si Naomi, jana goar ni anaknia na dua i si Mahlon dohot si Kilion do; halak Efrata do halahi sian Betlehem na di Juda. Dung lalu halahi di Luat Moab, tinggal ma halahi disi.

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 7:1

Dung i dibuat halak Kiryat-Jearim ma Poti Parjanjian ni Tuhan i lalu dioban halahi tu bagas ni na margoar si Abinadab na tinggal di ginjang ni tor. Dung i dipapunjung halahi ma si Eleasar anak ni si Abinadab laho manjago Poti Parjanjian i.