MASMUR 132:15 - BIBEL JAMITA NA DENGGAN

¹⁵ Marlobian lehenonKu sandok haporluanna, butongan lehenonKu mangan angka na pogos.

MASMUR 132:15 ပူးပေါင်းရင်းမြစ်များ

MASMUR 107:9

Angke dipaminum Ia halak na manguas, na male dipabutong Ia dohot hadengganan.

MASMUR 147:14

Dijago Ia do luatmunu anso dame tongtong, jana dipabutong Ia ho dohot gandum na tumabo.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 36:8

Butongan hami di sipanganon na marlobi-lobi na niparadeMu, mardongan inumon na sian batang aekMu na patogarkon.

MASMUR 37:19

Di hatiha na sompit, nada hasusaan halahi, di tingki na haleon laing tuk di halahi.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

HARURUAR 23:25

Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

JEREMIA 31:14

PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

MATEUS 5:6

Martua ma angka na male dohot na manguas mida hatigoran, angke na giot pabutongon do halahi muse.

LUKAS 1:53

Dipabutong Ia angka halak na male marhite angka na denggan, tapi anggo halak na kayo dipaorot Ia mardongan tangan na rumar.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”